Аввалроқ ЎзПФЛ Бекободнинг “Металлург” ПФК МЧЖ устав капиталининг 100 фоиз улушига эгалик қилувчи “Ўзметкомбинат”га мурожаат қилиб, 24 декабргача клубнинг Суперлигадаги келгуси тақдирига ойдинлик киритишини сўрагани ҳақида хабар берилганди.
ЎзПФЛнинг хабар беришича, 20 декабрь куни “Ўзметкомбинат” сўровга жавоб қайтарган. Унда “Металлург”нинг Суперлигада иштирок этмаслиги маълум қилинган. Жавоб хатида ташкилотнинг клубга ҳомийлик маблағи ажратиши тўхтатилгани ва бунинг сабаблари батафсил тушунтирилган.
“Металлург клубининг Суперлигадаги ўрнини эгаллаш жараёни қандай кетма-кетликда бўлиши аввалроқ маълум қилинганди. Мана шу йўналиш асосида клубларга қарор қабул қилиш учун маълум вақт берилади ва уларнинг қарори ҳам Лига томонидан расман маълум қилинади”, дейилади хабарда.
Унга кўра, дастлабки “Олимпик”, кейин “Хоразм”, ундан сўнг эса “Локомотив” Суперлигада иштирок этиш имконига эга бўлади.
Изоҳ (0)