“Челси”нинг украиналик футболчиси Михаил Мудрик ижобий допинг-тести билан боғлиқ вазиятни ҳал қиладиган Morgan Sports Law ихтисослашган юридик фирмасини ёллади. Бу ҳақда Британиянинг The Telegraph портали хабар бермоқда.
Манбага кўра, Morgan Sports Law — бу айнан Пол Погба билан ишлаган компания. Француз футболчиси дастлаб тўрт йилга дисквалификация қилинган эди, бироқ апелляциядан сўнг бу муддат 18 ойгача қисқартирилди.
Аввалроқ хабар қилинишича, “аристократлар” бош мураббийи Мареска вазиятдан хабардор бўлиб, сўнгги ўйинларда Мудрикнинг таркибдан ташқарида қолишини касаллик билан изоҳлаган эди. Кейинроқ Мудрик полиграф текширувдан ўтиб, унинг организмига тақиқланган модда тушишига алоқаси йўқлигини айтган.
Мудрик Футбол Ассоциацияси томонидан вақтинчалик футболдан четлаштирилди. Ҳозирда футболчининг Б тести намуналари текширилиши кутилмоқда. Унинг натижаси четлатиш муддатини белгилашда асосий омил бўлади.
АПЛнинг ушбу мавсумида 23 ёшли Мудрик еттита ўйин ўтказди ва бирорта самарали ҳаракатни амалга оширмади. Бундан ташқари, унинг ҳисобида Конференциялар Лигасида олтита ўйин бор. Ушбу ўйинларда у учта гол ва учта самарали узатмани амалга оширган.
Изоҳ (0)