“Ўзбекистон Республикасидаги санитария ва фитосанитария шартлари тўғрисида Жаҳон савдо ташкилоти аъзо давлатларини хабардор қилиш тартибини жорий этиш чора-тадбирлари тўғрисида”ги ҳукумат қарори қабул қилинди.
Унга кўра, Санитария-эпидемиологик осойишталик ва жамоат саломатлиги қўмитасига қуйидаги қўшимча вазифалар юкланди:
- озиқ-овқат маҳсулотлари хавфсизлигини таъминлаш учун қабул қилинган норматив-ҳуқуқий ҳужжатлар, қоидалар, низомлар тўғрисида аҳон савдо ташкилоти аъзо давлатларини мунтазам хабардор қилишни таъминлаш;
- санитария ва фитосанитария чора-тадбирлари тўғрисидаги лойиҳаларни эътироз ва таклифлар олиш учун ЖСТ аъзо давлатларига юбориш;
- ЖСТ аъзо давлатларининг эътироз ёки таклифлари ва қаршиликлари асосида чора-тадбирлар лойиҳаларини қайта ишлаш учун ташаббускор ваколатли давлат органларига киритиш;
- ЖСТ аъзо давлатлари ва манфаатдор томонларнинг асосланган сўровларига жавоблар юбориш.
Бу президентнинг 3 июндаги Ўзбекистон қонунчилигини ЖСТ битимларига мувофиқлаштириш бўйича навбатдаги чора-тадбирлар тўғрисидаги фармонига мувофиқ амалга оширилади. Фармонга мувофиқ ЖСТнинг Санитария ва фитосанитария чора-тадбирлари тўғрисидаги битими (SPS Agreement) талабларидан келиб чиққан ҳолда Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг марказий аппаратида 3 та штат бирлигидан иборат Санитария ва фитосанитария чора-тадбирлари бўйича Ахборот маркази ташкил этилди.
Қарор билан билан ССВ ва Санитария-эпидемиология қўмитасининг Кодекс Алиментариус миллий комиссияси тўғрисидаги низом тасдиқланди. Комиссия ЖСТга аъзо бўлиш бўйича СФС чораларини Кодекс Алиментариус стандартлари талабларига мослаштириш ишларини мувофиқлаштирувчи коллегиал орган этиб белгиланди.
Изоҳ (0)