Ироқ, Сурия ва Эрон Суриядаги вазиятни янада ривожлантиришга тайёр бўлиш учун ҳаракатларни мувофиқлаштиришга келишиб олди. Бу ҳақда Бағдоддаги ташқи ишлар вазирларининг Суриядаги вазият бўйича йиғилиши якунлари бўйича баёнотида маълум қилинди.
“Суриядаги ўзгаришларни кузатиш ва яқин кунларда содир бўладиган ҳар қандай ўзгаришларга тайёр бўлиш мақсадида уч давлат ўртасида маслаҳатлашувлар ва мувофиқлаштиришни давом эттириш бўйича келишувга эришилди”, дейилади учрашув якунлари бўйича ҳужжатда.
Бундан ташқари, вазирлар “Сурия хавфсизлигига ҳар қандай таҳдид минтақа учун умумий хавф туғдириши”ни таъкидлади. Уларнинг қайд этишича, “минтақадаги вазият кескинлашувига қаратилган барча имкониятларни йўқ қилиш бўйича давом этаётган маслаҳатлашувлар, ҳамкорлик ва дипломатик музокаралардан” бошқа ҳеч қандай муқобил мавжуд эмас.
Аввалроқ Эрон ташқи ишлар вазири Аббос Арақчи унинг мамлакати Сурияга қўшин киритиши мумкинлигини айтиб, бунинг шартларини санаб ўтганди.
Агар Сурия ҳукумати Эрондан мамлакатга қўшин киритишни сўраса, биз бу илтимосни кўриб чиқамиз. Эрон араб мамлакатларида қаршилик гуруҳларига раҳбарлик қилмайди ва улар билан ташкилий муносабатларга эга эмас, лекин уларнинг ишини қўллаб-қувватлайди ва зарур бўлганда ёрдам беради, деди у.
Эрон ташқи ишлар вазири ҳозирда Америка билан мулоқот қилиш кўриб чиқилмаётганини айтди. У Эроннинг ядро музокаралари ҳақида гапирди.
Европа билан ядро иши бўйича музокараларга пессимистик муносабатда бўлишга кўплаб сабаблар бор. Айни пайтда биз Вашингтон билан гаплашмоқчи эмасмиз. Чунки бундай суҳбат учун ҳеч қандай асос йўқ, деди Аракчи.
Унинг сўзларига кўра, Эрон янги Америка ҳукумати қандай сиёсат юритишини кутади, шундан кейин ўз сиёсатини ишлаб чиқади.
Изоҳ (0)