Бугунги кунда кўпчилик инсонлар қон босимининг кўтарилишидан азият чекадилар. Шу боис қон босимини уй шароитида меъёрда ушлаб туришга масаласи муҳимдир. Шифокорлар гипертония билан оғриган одамларда қачон ва қандай нонушта қилиш мазкур касалликка таъсир қилиши ҳақида маълумот берди.
Тадқиқотлар шуни кўрсатадики, нонушта қон босимини назорат қилишнинг самарали усули ҳисобланади. Эрталабки овқатланиш юрак саломатлигини ва қон босимини бир неча механизмлар орқали яхшилайди, деб ёзади Paradе нашри. Кардиолог Ченг Ҳан Чен сўзларига кўра, нонушта қондаги қанд миқдорини тартибга солади ва кун давомида ортиқча овқатланиб қўйишдан сақлайди. Бу қон босимини оширадиган стресс гормонлари кўпайишининг олдини олади.
Кардиологлар нонушта қилинадиган вақтнинг ҳам таъсири катта эканлигини тушунтирди.
“Нонушта куннинг қайси соатида қилиниши муҳим аҳамиятга эга, чунки у қон босими ва метаболизмни тартибга солишга ёрдам берадиган табиий сиркад ритмларига мос келиши лозим”, дейди кардиолог Нил Д. Шаҳ.
Шу сабабли шифокорлар уйғонганидан кейин бир-икки соат ичида нонушта қилишни тавсия қиладилар.
“Нормал қон босимини сақлаш учун ҳар бир кунни тўғри бошлаш керак. Уйғонганидан кейин икки соат ичида нонушта қилиш бутун кун қандай ўтишини белгилаб беради” дейди кардиолог Бредли Сервер.
“Танадаги метаболик жараёнлар овқатланиш вақтига таъсир қиладиган сиркад ритмлар орқали тартибга солинади. Нонушта қилиш вақтидаги ўзгаришлар кардиометаболик касалликларнинг ривожланишига таъсир этиши мумкин”, деди Ченг Ҳан Чен.
Юрак саломатлигини яхшилашга ёрдам берадиган нонушта
Кардиологларнинг маслаҳатига кўра, нонушта учун магний ва калийга бой таомлар (мева ва сабзавотлар); оқсил (тухум); фойдали ёғлар (авокадо ва ёнғоқ), ўсимлик толалари (сабзавотлар) дан иборат маҳсулотларни истеъмол қилиш яхшироқдир
Шунингдек оддий углеводлар (масалан, нонушта ёрмалари) ёки таркибида натрий моддаси кўп бўлган озиқ-овқатларни истеъмол қилиш тавсия этилмайди. Америка касалликлари ҳамжамияти маслаҳатига кўра, қон босимини яхшилаш учун кунлик туз истеъмолини 2300 мг (идеал 1500 мг)дан ортиқ бўлмаслигини назорат қилиш зарур.
Изоҳ (0)