Россияда биринчи марта “КУБ-М” мобил бошпаналарини ишлаб чиқариш бошланди. Улар Нижний Новгород вилоятининг Дзержинск шаҳрида ишлаб чиқарилмоқда. Бу ҳақда “Meduza” хабар берди.
Бошпана одамларни турли таҳдидлардан, шу жумладан, табиий офатлар ва техноген ҳодисалардан ҳимоя қилишни таъминлайди. “КУБ-М”нинг асосий тўплами иккита модулни ўз ичига олади: 54 кишилик бошпана хоналари ва техник блок. Қўшимча модулларни ўрнатиш орқали бошпана сиғимини ошириш мумкин. “КУБ-М” 48 соат давомида ядровий портлаш тўлқини, нурланиш, радиация, ҳудуднинг радиоактив ифлосланиши, оддий қуролларнинг портловчи ва парчаланувчи таъсири, хавфли кимёвий моддалар ва ёнғинлардан ҳимояни таъминлайди.
Бундай иншоотлар бир қатор афзалликларга эга, масалан, улар кўчирилиши, чекланган ҳудудда ўрнатилиши мумкин. 2023 йил бошида Россияда Совет даврида қурилган бомбапаноҳларни текшириш ва таъмирлаш ишлари бошланди. Мамлакат ҳудудида кўплаб бункерлар, ертўлалар ва бошқа хавфсиз бошпаналар мавжуд бўлиб, уларнинг аксарияти ўнлаб йиллар давомида консервация қилинган. Бундай объектларнинг аксарияти яроқсиз ҳолатда эди.
Изоҳ (0)