Аввалроқ, франциялик футболчи Пол Погба Саудиянинг “Ан-Насср” жамоасига ўтиши мумкинлиги ҳақида хабарлар тарқалган эди. ESPN нашрининг хабарига кўра, футболчи “кучли бешлик”да ўйнаш ниятида.
Шунингдек, Погба Франция терма жамоасига қайтишни истамоқда. Футболчи кучли чемпионатда ўйнаса бунинг учун имкониятлари юқорироқ бўлишига ишонмоқда.
Ҳозирда Пол Майамида машғулотлар ўтказмоқда. Франциялик футболчи март ойида майдонга қайтиши мумкин.
Пол Погбанинг “Ювентус” билан амалдаги шартномаси мавжуд ва клуб уни бекор қилиш арафасида.
2023 йилнинг август ойида Погба допинг-тестдан ижобий ўтди. 29 февраль куни антидопинг маҳкамаси ярим ҳимоячини 4 йилга дисквалификация қилиш қарорини тасдиқлаганди. Суд Погбанинг четлатилиши ҳақида қарорни эълон қилгач, спортчи шикоят аризасини киритди. Спорт арбитраж суди (CAS) дисквалификация муддатини 18 ойгача қисқартиришга қарор қилди.
Маълумот учун, Погба Франция терма жамоаси билан Жаҳон чемпиони бўлган. Европа чемпионатида терма билан кумуш медалига эга чиққан. Футболчи Англиянинг “Манчестер Юнайтед” жамоаси сафида ҳам фаолият юритган.
Тизимга киринг ёки Рўйхатдан ўтинг.
Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатадиРўйхатдан ўтганмисиз? Login.
Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатадиРаҳмат. Биз сизнинг хабарингизни олдик ва хатони имкон қадар тезроқ тузатамиз.
Изоҳ (0)