2024 йил 16-19 ноябрь кунлари Истанбулдаги Tüyap кўргазма мажмуасида Eurasia Window Fair халқаро кўргазмаси бўлиб ўтмоқда. Ушбу кўргазмада бутун Евросиё қитъасидан 150 га яқин компания иштирок этмоқда.
Eurasia Window Fair – ром ва фасад тизимлари, шаффоф конструкциялар ва аксессуарлар, профиллар, изоляцион материаллар ва хом ашё етказиб берувчилари ҳамда ишлаб чиқариш технологиялари ва ускуналар ишлаб чиқарувчиларини бирлаштирган йирик халқаро кўргазма.
Марказий Осиё ойна саноатининг етакчиси AKFA Group энергия тежовчи ром ва фасад тизимлари соҳасида ўзининг сўнгги ишланмаларини, шунингдек, дераза аксессуарлари сегментида инновацион ечимларни тақдим этди.
AKFA Group стенди ташриф буюрувчилар ва халқаро ҳамкорларда катта қизиқиш уйғотди. Холдинг қуйидаги турдаги маҳсулотларни тақдим этди:
- Марказий Осиё иқлимига махсус мослаштирилган юқори энергия самарадорлигига эга юқори технологик алюминий ва PVX профиллар.
- Функсионаллик ва фойдаланиш қулайлигини таъминлайдиган замонавий ром аксессуарлари.
- Бундан ташқари AKFA Group биноларнинг энергия сарфини сезиларли даражада камайтирадиган маҳсулот ва технологияларни намойиш этди.
Eurasia Window Fair кўргазмасида иштирок этиш AKFA Group учун Ўзбекистоннинг саноат салоҳиятини бутун дунёга намойиш этиш учун яна бир имкониятдир. Кўргазма давомида компания вакиллари халқаро ҳамкорлар билан бир қатор музокаралар олиб борди, янги лойиҳаларни амалга ошириш ва янги экспорт шартномаларини тузиш истиқболларини муҳокама қилди.
AKFA Group ойна саноатида барқарор технологияларни ривожлантиришга ҳисса қўшиш орқали инновациялар ва экологик масъулиятга содиқлигини исботлашда давом этади.
Реклама ҳуқуқи асосида.
Изоҳ (0)