Австралия ҳукумати мамлакат тарихида биринчи марта қулликка қарши комиссар лавозимини жорий этди. Бу лавозимни Walk Free халқаро инсон ҳуқуқлари ташкилоти раҳбари Крис Эванс 2 декабрдан бошлаб беш йил муддатга эгаллайди. Бу ҳақда мамлакат Бош прокуратураси маълум қилди.
“Замонавий қуллик бир қатор эксплуатацияларни қамраб олади, жумладан, одам савдоси, мажбурий никоҳ, мажбурий меҳнат, алдамчи ёллаш ва бошқалар. Қулликка қарши комиссар замонавий қулликнинг олдини олиш ва унинг қурбонларини қўллаб-қувватлашга қаратилган саъй-ҳаракатларини кучайтиради”, деди Бош прокурор Марк Дрейфус.
Австралия ҳукумати Қулликка қарши комиссарни ташкил этиш ва фаолияти учун 8 миллион Австралия доллари (5,3 миллион АҚШ доллари) ажратди.
ОАВ хабарларига кўра, мамлакатда 1,9 мингдан ортиқ одам замонавий қуллик қурбонига айланган.
Изоҳ (0)