3 ёшли ҳиндистонлик Аниш Саркар Халқаро шахмат федерацияси (FIDE) рейтингига кирган энг ёш спортчига айланди.
Бу ҳақида ташкилот матбуот хизмати маълум қилди. Саркар 2021 йилнинг 26 январида туғилган. У рейтингнинг 1555-ўрнидан жой олган.
ChessBase India нашрининг хабарига кўра, октябрь ойида шахматчи илк бор West Bengal Classics рейтинг турнирида (9 ёшгача бўлган ёш тоифасида) иштирок этиб, 8 баллдан 5,5 балл тўплаган ва 140 нафар шахматчи орасида 24-ўринни эгаллаган. Кейинчалик худди шу турнирнинг 13 ёшгача бўлган тоифасида иштирок этиб, бирорта очко жамғара олмаган.
Бунга қадар FIDE рейтингида энг ёш шахтматчи бангладешлик 4 ёшли Афнан Тажвар Айлан бўлган эди.
Изоҳ (0)