Андижон шаҳрида 24 ёшли йигит устига бензин қуйиб, ўзини ёқиб юборди. Ҳолат акс этган видео ижтимоий тармоқларда тарқалди.
Бош прокуратура ахборот хизмати раҳбари Ҳаёт Шамсутдиновнинг “Дарё”га маълум қилишича, ҳолат 31 октябрь куни соат, тахминан, 22:40 лар атрофида содир бўлган. 24 ёшли Ф.Р. Paynet шахобчасига кириб, ўзига бензин сепиб, жонига суиқасд қилган ва куйган жароҳатлари билан РШТЁИАМ вилоят филиалига келтирилиб, тиббий ёрдам кўрсатилган.
У ўзига бензин сепиб, Paynet шахобчасига кириб ўзини ёқиб, қайтиб чиқиб кетгани шахобчадаги ва унинг ташқарисига қўйилган видеокамераларда қайд қилинган.
Ҳозирда унга зарур тиббий муолажалар кўрсатилмоқда. Олган тан жароҳатлари бўйича суд-тиббий экспертизаси тайинланган.
Ижтимоий тармоқларда тарқалган хабарларда айтилишича, йигит онлайн қиморда катта миқдорда пул ютқазиб қўйгани учун ўз жонига суиқасд қилган.
Изоҳ (0)