Россия Қозоғистонни Евросиё иқтисодий иттифоқи (ЕОИИ) шартномасининг транзит тарифига оид асосий принципини бузганликда айблади. Бу ҳақда Ҳукуматлараро комиссиянинг 25-мажлиси баённомасига таяниб, “КазТаг” хабар берди.
Россия вакиллари таъкидлашича, “Қозоғистон темир йўллари” миллий компаниясининг (“ҚТЖ” МК) транзит тарифларини ошириш тўғрисидаги қарори “нотенг шароитларни” вужудга келтирган — ЕОИИга аъзо давлатлар учун юк ташиш қозоғистонликларга нисбатан қимматроққа тушмоқда.
Қозоғистон томонининг маълумотларига кўра, тариф шартларини ўзгартириш иқтисодий асосланган харажатларни қоплаш ва темир йўл инфратузилмасини ривожлантириш зарурати туфайли қабул қилинган. Бу ЕОИИ тўғрисидаги шартнома қоидаларига ҳамда Қозоғистон миллий қонунчилигига зид эмас.
2024 йил 16 апрелдан бошлаб “ҚТЖ” МКнинг айрим юкларга белгиланган инфратузилма тарифлари даражасининг ўзгариши “Россия темир йўллари” тарифи даражасидан ошмайди, дея таъкидламоқда Қозоғистон вакиллари.
Россия томони ЕОИИ тўғрисидаги шартнома аъзо давлатларининг тариф тизимлари ўртасида мажбурий мувофиқликни назарда тутмаслигини қайд этди. Евроосиё иқтисодий комиссиясининг ички бозорлар фаолияти департаменти Қозоғистон томонининг темир йўл тарифларига нарх чегараларини қўллаши бўйича ЕОИИ тўғрисидаги шартнома қоидаларининг бузилиши ҳолатларини аниқламади.
Изоҳ (0)