Ўзбекистон миллий терма жамоасининг Қатар ва КХДРга қарши учрашувларида ишлайдиган ҳакамлар номи маълум бўлди.
Ноябрь ойида 2026 йилги Жаҳон чемпионати 3-саралаш босқичи доирасида Қатар ва КХДР терма жамоаларига қарши сафар учрашувларида иштирок этади. Осиё футбол конфедерацияси мазкур баҳсларда ишлайдиган ҳакамлар ҳақида маълум қилди.
Унга кўра, Қатар — Ўзбекистон учрашувида кореялик ҳакамлар бригадаси фаолият олиб боради. Бош ҳакам сифатида Ким Жонгҳёк, унга қанотларда юртдошлари Парк Кюнёнг ва Жанг Жонгпил ёрдам беради. Тўртинчи расмий ҳакам сифатида Чаэ Сангҳёп ишлайди. ВАР ҳаками бўлиб Ким Ҳегон фаолият олиб боради.
Маълумот учун, учрашув 14 ноябрь Тошкент вақти билан 21:15 да “Жассим бин Ҳамад” стадионида старт олади.
КХДРга қарши учрашув Лаос пойтхати Вентян шаҳрида ўтказилади. Мазкур ўйинда кувайтлик ҳакамлар бригадаси ишлайди. Бош ҳакам — Али Али Аҳмад, унга юртдошлари Аланези Абдулҳади ва Аббос Аҳмад ёрдам беради. Тўртинчи расмий ҳакам сифатида Аммар Ашканани ишлайди. ВАРда эса Абуллоҳ Жамали фаолият олиб боради.
КХДР — Ўзбекистон учрашуви 19 ноябрь Тошкент вақти билан 17:00 да “Лао” стадионида бошланади.
Изоҳ (0)