Футбол бўйича Европа Чемпионлар Лигаси доирасида “Бавария” ва “Барселона” жамоалари 23 октябрь, чоршанба куни ўзаро тўқнаш келади.
Мюнхен клуби футболчилари ва ходимлари ўйин учун Каталонияга етиб борган.
Клуб менежерларидан бирига ҳужум уюштирилган ва унинг қимматбаҳо соати, iPhone 15 телефони ва ҳамёни ўғирлаб кетилгани хабар қилинмоқда. Талончи воқеа жойидан қочиб кетган.
Жабрланувчи полицияга мурожаат қилган ва ҳозирда қидирув жараёни давом этмоқда.
“Барселона” ушбу ўйиндан олдин 3 очко билан 19-ўринда бормоқда, “Бавария” ҳам 3 очко жамғарган ҳолда 18-поғонадан жой олган.
Изоҳ (0)