Ижтимоий тармоқда ўзига нисбатан уятсиз бузуқ ҳаракатлар қилинганини айтаётган вояга етмаган қиз билан боғлиқ видео тарқалди. Мазкур ҳолат Болалар омбудсмани томонидан алоҳида ўрганилаётгани маълум қилинди.
Аниқланишича, 12 октябрь куни Қарши шаҳрида яшовчи аёл 102 рақамли телефонга мурожаат қилиб, турмуш ўртоғи (2021 йилдан у билан бирга яшаб келаётган) аёлнинг 7 яшар қизига нисбатан жинсий зўравонлик ҳаракатларини қилгани тўғрисида хабар берган.
Ҳолат юзасидан Қарши шаҳар ИИБ ФМБ ҳузуридаги Тергов бўлими дарҳол терговга қадар текширув бошлаб, кечиктириб бўлмайдиган тергов ҳаракатларини олиб борди.
Болага нисбатан тегишли суд-тиббиёт экспертизаси тайинланган.
Мазкур ҳолат бўйича Болалар омбудсмани бола манфаатлари нуқтайи назаридан ўз кузатувини давом эттирмоқда, дейилади Болалар омбудсмани ахборотида.
Таъкидланишича, иш бориши юзасидан қўшимча тарзда маълумот берилади.
Аввалроқ Ўзбекистонда болаларга нисбатан оилавий зўравонлик содир этганлик учун жавобгарлик белгилани хабар қилинган эди.
Изоҳ (0)