Туриннинг “Ювентус” жамоасининг Х (собиқ Twitter) даги саҳифаси ҳакерлар ҳужумига учради.
“Ювентус”нинг инглиз тилидаги аккаунтига ҳакерлар бузиб кирган ва “Реал” ярим ҳимоячиси Арда Гюлернинг трансфери ҳақидаги ёлғон маълумотни чоп этган.
“‘Ювентус’га хуш келибсан, Арда Гюлер! Келажаги порлоқ футболчи энди ‘Ювентус’ оиласининг аъзоси ҳисобланади! Бу янги саёҳатда биргаликда тарих яратишга тайёрмисиз?”, — деб ёзилган эди постда.
“Бянконери” ўзининг асосий саҳифасида вазият бўйича баёнот берди. “Инглиз тилидаги аккаунтимиз ҳакерлар ҳужумига учради. Илтимос, ўша аккаунтда эълон қилинаётган ёлғон маълумотларга ишонманг. Муаммони бартараф этиш бўйича ишлаяпмиз”.
Қайд этиб ўтиш жоиз, “Ювентус” А Серияда 16 очко жамғарган ҳолда 3-ўринда бормоқда.
Изоҳ (0)