Ҳиндистоннинг Уттар-Прадеш штатидаги кафе ва ресторанларда мижозларнинг овқатига тупуришни расман тақиқловчи қатъий қонунлар жорий этилади. Бу ҳақда India Today хабар берди.
Овқатларга тупуриш ҳолатлари шунчалик тез-тез содир бўлганки, штат маъмурлари озиқ-овқат маҳсулотларини “масхара қилиш”ни тақиқлаш учун қонун чиқаришга мажбур бўлмоқда. Шу тариққа ҳукумат иккита янги қоидани жорий этиш ниятида:
- озиқ-овқат соҳасида антисанитария меъёрларига қарши курашиш;
- истеъмолчилар ҳуқуқларини ҳимоя қилишни кучайтириш.
“Истеъмолчилар озиқ-овқат маҳсулотларини тайёрлаш ва қайта ишлаш масалаларида шаффофликка эга бўлади”, дейилади хабарда.
Таъкидланишича, озиқ-овқат маҳсулотларига тупуриш ёки бошқа санитария қоидаларига зид хатти-ҳаракатлар содир этишда айбланган шахслар қаттиқ жазога тортилади.
Маълумот ўрнида, сентябрь ойида Сахаранпур шаҳридан ўсмирнинг нонга тупургани ва мижозларга тақдим этгани акс этган видео интернетда тарқалганди. Шундан сўнг ошхона эгаси ҳибсга олинган. Штатнинг бошқа шаҳарларида — Ноида ва Ғозиободда эркаклар мева шарбатига пешоб ва сўлак қўшгани учун ҳибсга олинганди.
Изоҳ (0)