Тошкент вилоятида 375 дона кучли таъсир қилувчи дори воситаларининг ноқонуний айланмасига чек қўйилди. Бу ҳақда вилоят ИИББ ахборот хизмати хабар берди.
Маълум қилинишича, Юқори Чирчиқ туманида 1982 йилда туғилган шахс (қора бозордаги тахминий нархи 50 млн сўм бўлган) 375 дона кучли таъсир қилувчи дори воситаларини ўтказиш мақсадида сақлаб келаётганлиги аниқланди.
Ўтказилган тезкор тадбир давомида ушбу шахс далилий ашё билан ушланган.
Ҳолат юзасидан қўлга олинган шахсга нисбатан Жиноят кодексининг 251(1)-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)