Korzinka Go ва Uzum Tezkor ҳамкорлик ҳақида эълон қилди. Энди Тошкент шаҳри аҳолиси энг машҳур онлайн супермаркетлар бири Korzinka Goъдан Uzum Tezkor орқали озиқ-овқат маҳсулотлари ва кундалик харидларни буюртма қилиши мумкин.
Uzum Tezkor иловасида Korzinka Go ассортиментининг 28 тоифасида келтирилган 10 мингдан ортиқ маҳсулотлари мужассам. Буюртмалар Korzinka Go дўкон-омборларида йиғилиб, Uzum Tezkor курерлари томонидан етказиб берилади.
Бугунги кунда Korzinka Go дўконларидан Uzum Tezkor орқали фақатгина Тошкент шаҳрида етказиб берилмоқда, келгусида ушбу хизматдан мамлакатимизнинг бошқа йирик шаҳарларида ҳам фойдаланиш мумкин бўлади. Uzum Tezkor иловасида товарлар нархи Korzinka Go дўконлари нархларидек кўрсатилган бўлиб, мижозлар ҳамкор тармоқнинг барча чегирма ва акцияларидан фойдаланишлари мумкин.
— Биз 10 мингдан ортиқ маҳсулотларни янада арзонроқ нархларда таклиф этиб, озиқ-овқат етказиб беришни имкон қадар қулай ва фойдали қилишга интиламиз. Uzum Tezkor аллақачон Ўзбекистон фуқароларининг севимли хизматларидан бирига айланди, шунинг учун бизнинг доимий фойдаланувчиларимиз ҳам, Korzinka Go дўконларидан илк бор буюртма қилаётган истеъмолчиларимиз ҳам умумий хизматимиз сифати ва тезлигини юқори баҳолашларига ишонаман, деди Korzinka Go компанияси раҳбари Константин Нечаев.
— Биз озиқ-овқат етказиб беришга бўлган талаб доимий равишда ошиб бораётганини кузатмоқдамиз ва фойдаланувчилар учун озиқ-овқат ассортиментини кенгайтириш устида фаол ишламоқдамиз. Маълумотларга кўра, Uzum Tezkor иловасида озиқ-овқат дўконларидан келган буюртмалар сони 50 фоизга ошди. Uzum Tezkor фойдаланувчилари Korzinka Go севимли дўконларидан унумли нархларда сифатли маҳсулотларни тезкор етказиб бериш эвазига буюртма қилиш имкониятини юқори баҳолашига ишонамиз”, дея изоҳ берди Uzum Tezkor чакана савдо бўлими бошлиғи Иван Гординский.
Uzum Tezkor янги фойдаланувчиларнинг илк учта буюртмасига ТЕЗ3 промокоди билан 20 000 сўмли чегирма ва бепул етказиб бериш имкониятини таклиф этади. Буюртмаларни Uzum Tezkor ва Uzum Market иловалари орқали амалга ошириш мумкин.
Шериклик ҳуқуқи асосида.
Изоҳ (0)