Эрон миллий жамоаси бош мураббийи Амир Ғалинойи Жаҳон чемпионати саралашидан ўрин олган Ўзбекистон билан ўйин олдидан матбуот анжуманида қатнашди. Унга жамоа ҳужумчиси Сардор Азмун ҳамроҳлик қилди.
“Аввало, Ўзбекистон миллий жамоаси бош мураббийи Сречко Канатесга соғлик тилайман. Эртага бизда кўп имкониятлар бўлмайди. Аввалги икки ўйинда вазиятларни кўкка совурдик. Бу сафар минимал имкониятлардан максимал фойдаланишимиз керак”, деди мураббий.
Бундан ташқари, мураббий галдаги ўйин майдони ва Эрондаги вазият ҳақидаги саволга жавоб берди.
Ташқи нарсаларга чалғимай, бор эътиборимизни футболга қаратишимиз, томошабоп ўйин кўрсатишимиз ва Тошкентдан 3 очко олиб кетишимиз керак. Ҳимоямиздаги йўқотишлар? Дастлабки икки турда “қуруқ ўйин” ўтказдик ва эртага ҳам бу серияни давом эттиришга уринамиз”, деди форслар бош мураббийи.
Эрон ҳужумчиси Сардор Азмун ҳам ўз фикрларини билдириб ўтди.
“Эртанги ўйин жуда муҳим, аммо биз Ўзбекистонга қарши қандай ўйнашни биламиз. Умид қиламанки, 3 очко билан қайтамиз”, деди тажрибали футболчи.
Маълумот учун, Ўзбекистон — Эрон учрашуви эртага “Бунёдкор” стадионида бўлиб ўтади.
Изоҳ (0)