Республика ҳудудига дам олиш кунлари Каспий денгизи жанубидан нам ва нисбатан салқин ҳаво массалари кириб келиши кутилмоқда, деб хабар берди “Ўзгидромет”.
Ҳудуднинг катта қисмида ёғингарчиликсиз об-ҳаво сақланиб туради, фақат марказий ва шарқий ҳудудларда баъзи жойларда ёмғир ёғади, тоғолди ва тоғли ҳудудларда айрим жойларда кучли бўлиши, баланд тоғларда қорга айланиши мумкин.
6 октябрда республиканинг айрим тоғолди ва тоғли ҳудудларига туман тушиши мумкин. Шамол 7-12 метр/секунд тезликда эсади, республика бўйича 15-20 метр/секундгача кучайиши, айрим жойларда чанг-тўзон билан кузатилиши мумкин.
Ҳаво ҳарорати кечалари 5 октябрда 12-17 даражани, 6 октябрда 10-15 даражаи ташкил этади, кундуз кунлари 20-25 даражагача пасайиши кутилмоқда.
Тошкентда 5—6 октябрда вақти-вақти билан ёмғир ёғади. Ҳаво ҳарорати 5 октябрда кечаси 15-17 даража, кундузи 22-24 даража, 6 октябрда кечаси 12-14 даража, кундузи 20-22 даража бўлади.
Изоҳ (0)