Жаҳонгир Отажонов автомобилини 195 км/соат тезликка чиқариб ҳаракатлангани акс этган видео ижтимоий тармоқларда тарқалиб, кўплаб муҳокамаларга сабаб бўлмоқда.
Хонанда буни ўзи видеога олиб, ижтимоий тармоқлардаги саҳифасига жойлаган. Пиёдалар ўтиш жойига келганида автомобиль тезлиги 140 км дан юқори бўлганини кўриш мумкин. Йўл ҳаракати хавфсизлиги хизматининг хабар беришича, хонандага нисбатан ўрнатилган тартибда чора кўрилди.
Унга тезликни оширгани ва ҳаракат вақтида телефондан фойдалангани учун жарима жазоси белгиланган.
“Аслида тўғри ҳисобламайман. Аввало, ўзим учун хавфли. Инсонмиз-да, ҳайдаб кўрдим. Бундан кейин эътиборли бўламиз”, дейди Жаҳонгир Отажонов.
Унга нисбатан Йўл ҳаракати қоидаларининг 75-банди (ҳаракат давомида тезликни меъёрдан оширганлик) ва 12-банди (уяли алоқа телефонидан фойдаланаганлик) да назарда тутилган қоидабузарликни содир этгани учун тегишли тартибда маъмурий баённома расмийлаштирилди. БҲМнинг 9 баравари (3,4 миллион сўм) миқдорида жарима солинди.
29 сентябрь куни 46 ёшни қарши олган Жаҳонгир Отажонов ўзига янги автомобиль совға қилганди.
Изоҳ (0)