Футбол бўйича Чемпионлар Лигаси гуруҳ босқичининг 2-тури доирасидаги ўйинда “Слован”ни 4:0 ҳисобида мағлуб этган “Манчестер Сити” ушбу мусобақа тарихидаги энг узоқ давом этган мағлубиятсиз серия бўйича “Манчестер Юнайтед”нинг рекордини такрорлади. Ушбу серия 25 ўйинни ташкил этганди.
Чемпионлар Лигасининг сўнгги 25 учрашувида “шаҳарликлар” 17 марта ғалаба қозонган ва 8 марта дуранг ўйнаган. “Манчестер Сити” сўнгги бор Чемпионлар Лигаси 2021—2022 йилги мавсумнинг ярим финал жавоб ўйинида “Реал”га мағлуб бўлганди.2022 йил 26 апрелда бўлиб ўтган биринчи учрашувда “Манчестер Сити” 4:3 ҳисобида ғалаба қозонган. 2022 йил 4 майда бўлиб ўтган жавоб ўйинида Реал Мадрид 3:1 ҳисобида ғалаба қозониб финалга йўл олган эди.
“Манчестер Юнайтед” бу рекордни 2009 йилнинг май ойида ўрнатган. Ўшанда жамоани сер Алекс Фергюсон бошқарган. “Қизил иблислар” бу мағлубиятсиз серияни 2007 йилнинг сентябрь ойидан бошлаган.
Изоҳ (0)