Хонанда Рухшона Instagram саҳифаси орқали иккинчи марта оила қургани ҳақида маълум қилди.
“Хуллас, шунақа янгилик. Табрикларни қабул қиламиз ва фамилияни ўзгартирамиз. Мен ҳам бахтли бўлишга ҳаққим бор-ку, тўғрими?”, деб ёзади хонанда.
Рухшона никоҳ тузилгани ҳақидаги гувоҳнома суратини жойлаб, “Бу пранк ёки кино эмас”, дея қўшимча қилди.
Аввалроқ хонанда “Менинг юртим” телеканалининг “Омон-омон” кўрсатувида бир йил аввал айрим мансабдор шахсларнинг ножўя таклифлари туфайли иккинчи марта турмушга чиққани ҳақида ёлғон гапиришга мажбур бўлгани ҳақида сўзлаб берган эди.
Рухшона 2022 йилда турмуш ўртоғи, клипмейкер Санжар Маткаримов билан ажрашганини маълум қилган эди. Унинг икки фарзанди — қизи ва ўғли бор.
Изоҳ (0)