Франция президенти Эммануэл Макрон АҚШни Ливанда 21 кунлик ўт очишни тўхтатишга рози бўлиши учун Исроилга босим ўтказишга чақирди. Макрон Исроилнинг бу мамлакатга бостириб кириши жиддий хато бўлишини айтди. Бу ҳақда Reuters хабар берди.
Франция ва АҚШ томонидан таклиф қилинган сулҳ режасини яҳудий давлати рад этганди. Исроил бош вазири Биньямин Нетаньяху армияга ҳарбий ҳаракатларни тўлиқ куч билан давом эттириш тўғрисида буйруқ берган. Эндиликда Макрон сулҳ режасини қабул қилишга ҳали вақт борлигини айтмоқда.
“Мен ишонаманки, АҚШ Исроил бош вазирига босимни кучайтириши керак. Агар Нетаньяху рад этса, Франция бу масалани БМТ Хавфсизлик кенгашига кўтаради. Биз барча ҳамкорларимизнинг бу аниқ хабарни етказишда овозлари баланд ва бизга содиқ бўлишларини кутмоқдамиз: Бугун Исроил Ливанга бостириб кириши мумкин эмас. Ҳозирги кунда Ливанда уруш бўлиши мумкин эмас; бу жуда катта хато ва вазиятни кескинлаштириш хавфини туғдиради”, деди Франция етакчиси.
Изоҳ (0)