Тожикистонда 22 сентябрдан бошлаб электр энергиясини етказиб беришда чекловлар жорий этилди. “Барки тожик” очиқ акциядорлик жамияти ҳолат юзасидан аҳолига мурожаат қилди.
Мурожаатга кўра, ўтган қиш мавсумида ёғингарчилик миқдори кам бўлган, Вахш дарёсининг шаклланиш ҳудудларида сув билан таъминланиш даражаси паст бўлган.
Аҳолининг ва мамлакат ижтимоий-иқтисодий соҳасининг электр энергиясига бўлган талабининг йилдан йилга ортиб бориши мавсумий электр энергияси тақчиллигини келтириб чиқармоқда. Шу муносабат билан соҳа мутахассислари жорий йилда ҳам бир миллиард киловатт соатдан ортиқ электр энергиясининг мавсумий тақчиллигини прогноз қилмоқда, дейилади мурожаатда.
“Барки тожик” аҳолини куз-қиш мавсумида электр энергиясидан тежамкор фойдаланишга чақирмоқда.
21-сентябрьдан бошлаб қишлоқ аҳолисига кунига 8 дан 10 соатгача – эрталабки 05:00 дан 08:00 гача ва 17:00 дан 22:00 гача электр энергияси берила бошланди.
“Барки Тожик” аввалроқ электр таъминотидаги узилишлар инфратузилманинг ортиқча юкларга умумий заифлиги билан боғлиқлигини айтганди.
Йил бошидан буён Тожикистон қўшни давлатларга 82 миллион доллар ёки 1 миллиард киловаттдан ортиқ электр энергияси экспорт қилган.
Изоҳ (0)