Британиялик 72 ёшли актриса, Американинг таниқли юлдузларидан бири Френцис Фишернинг янги суратлари кино ихлосмандларини ҳайратда қолдирди. Ижтимоий тармоқларда актриса жуда чиройли тарзда кексайиб бораётгани қайд этилди.
“Титаник” фильмида бош қаҳрамон Розанинг қаттиққўл онаси — Рут Дютт Бюкейтер образини гавдалантирган Френцис Фишер Лос-Анжелесда бўлиб ўтган “Субстанция” фильмининг премьерасига ташриф буюрди. Тадбирга актриса кенг ва нақшинкор кўйлак ва қора чарм курткада намоён бўлди.
Унинг ташқи кўриниши ва образи ижтимоий тармоқларда кенг муҳокама қилинди: “Френцис Фишер ўзининг 72 ёшига қарамай ниҳоятда гўзал”, “Мана буни табиий кексайиш деса бўлади”, “Унинг оппоқ ва қалин сочлари ўзига жуда ярашган” дея фойдаланувчилар эътироф этишди.
Афсонавий “Титаник” фильми экранга чиққанида Френцис Фишер 45 ёшда эди. Ундан олдин у турмуш ўртоғи Клинт Иствуднинг “Кечириб бўлмас” фильмида ўйнаган. “Титаник”дан кейин Фишернинг фильмографияси кенгайиб, “Махфий материаллар”, “Тез ёрдам”, “Қўрқув анатомияси”, “Қайта туғилиш” каби сериалларда иштирок этган.
Изоҳ (0)