Германиянинг Улм шаҳри яқинидаги полигонда украиналик ҳарбийлар жанг майдонида биринчи ёрдам кўрсатиш курсларидан ўтмоқда. Уларни ўқитиш учун бешта Симман 3G plus интерактив силикон манекен сотиб олинди. Бу ҳақда Bild хабар берди.
Бу манекенларни Норвегияда жойлашган Лаэрдал халқаро тиббиёт компанияси ишлаб чиқаради. Уларнинг ҳар бирининг нархи 100 000 евро, оғирлиги 80 килограмм. Манекенларда қон ва кўз ёшлари бор, улар қичқиради ва инграйди, шифокорларнинг ҳаракатларига муносабат билдиради. Қўллари қалтираши, ҳатто қайт қилиши ҳам мумкин.
“Украина ҳар бири 100 000 евродан бўлган бешта травматологик қўғирчоқ харид қилди. Улар ёрдамида жанг майдонида биринчи ёрдам кўрсатиш вазиятларини максимал даражада реал тарзда машқ қилиш мумкин. Манекеннинг қичқириқлари ва қон томчиларига дуч келган ҳар бир киши, умид қиламанки, фавқулодда вазиятда бунга яхшироқ тайёр бўлади ва ярадорларни қутқаришда совуққонлигини сақлаб қолади”, деди Бундесвер инструктори Алёна.
-ZuHRKALx.jpg)
Бундесвер маълумотларига кўра, йил охиригача 20 000 нафар украиналик Германияда турли хил тайёргарлик курсларидан ўтади, улардан бир неча юз нафари Cоmbat Medic биринчи ёрдам кўрсатиш бўйича мутахассис бўлади.
-7bsxl7xZ.jpg)
“Фронтда ҳалок бўлишнинг асосий сабаби қон йўқотишдир. Шунинг учун дастлабки бир неча дақиқада ярадорга иложи борича тезроқ ва энг мақбул тарзда ёрдам кўрсатилиши жуда муҳим”, деди Германия тиббиёт хизмати генерали Юрген Мейер.
Изоҳ (0)