Хитойлик 17 ёшли ўсмирнинг онаси уни катталар ҳаётини ва таълим олишнинг қанчалик муҳимлигини тушуниши учун дўконда ишлашга юборган. Бироқ 10 кун ичида йигит 10 минг юан (1,4 минг АҚШ доллари) ишлаб топганидан сўнг, мактабни ташлашга қарор қилди.
Шен ошпазлик коллежида таҳсил олади. Аммо унинг баҳолари пасая бошлайди ва у онаси Денга энди ўқишни хоҳламаслигини айтади.
Аёл агар ўғли катталардек ишлаб, пул топишнинг қанчалик мушкуллигини англаса, ўқишга жиддийроқ муносабатда бўла бошлайди, деган хулосага келади. Онасининг йўл-йўриқлари билан Шен кичик дўконча қуради. Дэнни ҳайратга солиб, у дарҳол ишга киришади.
Йигит ҳар куни эрталаб соат 9 да овқат тайёрлашни бошлайди. Тушликдан кейин Шен уйидан 13 километр узоқликда чодир ўрнатиб, тун бўйи маҳаллий аҳолига кўча таомларини сотади. Йигит уйга тахминан эрталаб 3 да қайтиб келади.
Ўсмирнинг айтишича, у маҳаллий аҳолининг қўллаб-қувватлаши ва тиришқоқлиги туфайли муваффақиятга эришган. Энди у мактабни ташлаб, ўзини тўлиқ бизнесга бағишлашга қарор қилган. Ҳозирда Шен чодирни яхшилаш учун уч ғилдиракли электр велосипед сотиб олишни режа қилмоқда.
Изоҳ (0)