Криштиану Роналду “Ан-Насср”нинг Осиё Чемпионлар Лигасидаги дастлабки ўйинини ўтказиб юборади.
Клуб 16 сентябрь куни сафарда Ироқнинг “Шорта” клубига қарши баҳс олиб боради.
Ар-Риёд клуби матбуот хизмати Роналду ўзини ёмон ҳис қилаётганини маълум қилди.
39 ёшли футболчида вирусли инфекция аниқланган ва шу сабабли у ОЧЛдаги дастлабки ўйинда майдонга тушмайди.
Эслатиб ўтамиз, жорий мавсум Криштиану “Ан-Насср” сафида 5 та ўйин ўтказиб, 4 та гол ва 2 та голли узатмага муаллифлик қилди.
Изоҳ (0)