Қирғизистонда депутат Миргул Темирбоева мактабларда пул йиғими учун жарима солишни таклиф қилмоқда. У бу ҳақда парламентнинг ҳуқуқ-тартибот, жиноятчиликка қарши курашиш ва коррупцияга қарши кураш қўмитаси йиғилишида баёнот берди.
Унинг сўзларига кўра, президент Садир Жапаровнинг ноқонуний пул йиғиш ва жамоат фондларини ташкил этишни тақиқлашига қарамай, мактабларда пул йиғиш давом этмоқда.
Конституция давлат таълим ташкилотларида бепул таълим олишни кафолатласа-да, мактабларда ўқитувчи ва директорларнинг қандайдир эҳтиёжлари учун пул йиғишда давом этилмоқда.
Ўқувчиларнинг ота-оналари ёки уларнинг васийлари ўқитувчилар ва мактаб директорларига қимматбаҳо совғалар учун жамоавий пул йиғишда иштирок этиши, сўнгги қўнғироқ маросимини, битирув оқшомини ўтказиши ёки синфларни жиҳозлаш учун асбоб-ускуналар сотиб олиши шарт эмас. Аксарият ҳолларда ота-оналар бола учун пул бермаса, ўқитувчилар кейинчалик ўқувчига салбий муносабатда бўлишидан қўрқади, деди депутат қўмита йиғилишида.
-h5QhFNOB.jpg)
Қонунга хилоф равишда пул маблағларини йиғиш ҳолатлари аниқланганда, Жиноят кодексига мувофиқ жавобгарликка тортиш таклиф қилинмоқда.
- Янги моддага кўра, давлат умумтаълим ташкилотларида (1-синфдан 11-синфгача бўлган мактаблар) пул маблағларини қонунга хилоф равишда йиғиш жисмоний шахсларга 200 ҳисоб-китоб кўрсаткичи (20 минг сом — 3 миллион сўмдан зиёд) миқдорида жарима солишга сабаб бўлади.
- Худди шундай ҳолат мактаблар қошида жамоат фондларини ташкил этиш йўли билан содир этилган бўлса, жисмоний шахсларга 400 ҳисоб-китоб кўрсаткичи (40 минг сом — 6 миллион сўмдан ортиқ), юридик шахсларга 600 ҳисоб-китоб кўрсаткичи (60 минг сом — 9 миллион сўмдан зиёд) миқдорида жарима солишга олиб келади.
Изоҳ (0)