Аргентиналик мутахассис Маурисио Почеттино АҚШ терма жамоасининг янги бош мураббийи этиб тайинланди, деб хабар бермоқда жамоа матбуот хизмати.
52 ёшли Почеттино Америка терма жамоасини 2026 йилги Жаҳон чемпионатига тайёрлайди.
Аргентиналик мутахассиснинг сўнгги иш жойи Лондоннинг “Челси”си бўлиб, мураббий клубда 2023 йилнинг ёзидан 2024 йилнинг майигача ишлаган. Бу даврда унинг қўл остида “аристократлар” барча мусобақаларда 51 учрашув ўтказиб, 27 марта ғалаба қозонган, 10 марта дуранг ўйнаган ва 14 марта мағлубиятга учраган.
Почеттино профессионал мураббийлик фаолияти давомида ҳеч қачон терма жамоада ишламаган, Маурисио Испаниянинг “Эспанёл”, Англиянинг “Саутҳэмптон” ва “Тоттенҳэм”, шунингдек, Франциянинг “ПСЖ” клубларини бошқарган.
Изоҳ (0)