“Daryo.uz”да айрим мақолаларни ўқиш пулли бўлди

Энди “Daryo.uz” сайтида эълон қилинадиган айрим эксклюзив мақолаларни ўқиш пулли бўлади. Бу — ўзбек интернет нашрлари учун янги тажриба. 

Ҳар қандай соҳа яшаши, ривожланиши ва олдинга қадам ташлаши учун яхши молиявий имкониятга эга бўлиши жуда муҳим. Шу жумладан, оммавий ахборот воситалари ҳам. Профессионал журналистлар жамоасини тузиш, сифатли контент яратиш, ўқувчилар талабига муносиб жавоб бериш, албатта, ўзига хос маблағни талаб этади. 

Мақолаларга қўйилган нархлар қиммат эмас. Дейлик, 10 дона мақола нархи 1 литр газланган ёки энергетик ичимликдан арзонроқ туради. Бир ойлик обунани (25 минг сўм) харид қилган ўқувчиларни эса рекламалар ортиқча безовта қилмайди. 

“Daryo.uz” жамоаси ушбу пулли обуналар учун зиммасига олаётган масъулиятни яхши ҳис этади. Биз материалларимизни янада ишончли, сифатли, холис ва тезкор тайёрлаб, сизга етказиш йўлида сидқидилдан меҳнат қиламиз. 

Бизни ўқиётганингиз учун раҳмат :) 

Ҳурмат билан “Daryo.uz” интернет нашри жамоаси