Тошкентдаги IT-Park резиденти бўлган Россиянинг Intheme Lab компанияси АҚШ санкциясига учради. Бу ҳақда АҚШ молия вазирлиги маълум қилди.
Мамлакат Молия вазирлигининг Хорижий активларни назорат қилиш бошқармаси 300 дан ортиқ компанияларни, шу жумладан, IT-секторнинг бир нечтасини ўз ичига олган янгиланган рўйхатни эълон қилди.
Intheme Lab ўзининг ва учинчи томон ишланмаларидан фойдаланган ҳолда бизнес жараёнларини оптималлаштириш, автоматлаштириш ва ўзгартириш билан шуғулланади. Ушбу компания Тошкентдаги IT-Park резидентлари рўйхатига киритилган.
2023 йилда АҚШ Савдо вазирлиги Ўзбекистонда рўйхатдан ўтган Mvizion компаниясига қарши санкциялар киритганди.
Изоҳ (0)