Ўзбекистон ҳудудига ҳафта ўртасида нисбатан салқин ҳаво кириб келади ва ҳарорат фони 2-3 даражага пасаяди, деб хабар бермоқда “Ўзгидромет”.
![](/static/2024/08/26/hfghgfhfgjfjh-LN3ITjoE.jpg)
Маълум қилинишича, 26—27 август кунлари Ўзбекистон бўйича қуруқ ва илиқ об-ҳаво сақланиб туради. Ҳудуднинг катта қисмида ҳаво ҳарорати 32-35 даража атрофида, жанубда 36-38 даражагача бўлади.
Чоршанба ва пайшанба кунлари ҳаво ҳарорати кундуз кунлари 27-30 даража атрофида, жанубда 35 даражагача бўлади. Кечаси ва эрта тонгда ҳарорат 17-20 даражагача пасайиши кутилмоқда.
Жума кунидан бошлаб ҳарорат аста-секин кўтарилади, ҳароратнинг ушбу кўтарилиши дам олиш кунларида ҳам давом этади. Кундуз кунги ҳарорат яна 30-35 даражагача кўтарилади.
28 август, чоршанба куни Тошкент, Жиззах, Сирдарё вилоятларининг айрим жойларида қисқа муддатли ёмғир ёғиши мумкин. 28—29 август кунлари Фарғона водийси вилоятларида, шунингдек, республиканинг тоғолди ва тоғли ҳудудларида момақалдироқли қисқа муддатли ёмғир ёғиши мумкин.
Шарқий йўналишдаги шамол, ғарбдан 9-14 метр/секунд тезликда эсади, 28 августда баъзи жойларда 15-20 метр/секундгача кучайиши, айрим жойларда чанг-тўзон билан кузатилиши мумкин.
Тошкентда асосан ёғингарчиликсиз об-ҳаво бўлиши кутилмоқда, фақат 28 августда бир оз қисқа муддатли ёмғир ёғиши, момақалдироқ бўлиши мумкин, шамол тезлиги 10-12 метр/секундгача кучайиши мумкин. Ҳарорат асосан кечалари 15-20 даража, кундуз кунлари 26—27 августда 30-33 даража, 28-29 августда 27-30 даража бўлади.
Изоҳ (0)