“Боруссия Д” мухлислари клубнинг мудофаа концерни билан ҳамкорлигига қарши норозилик акцияси ўтказди

Германиянинг “Боруссия Д” жамоаси мухлислари клубнинг Rheinmetall билан ҳамкорлигига қарши норозилик намойиши уюштирди.

Бундеслиганинг илк туридан ўрин олган “Айнтрахт”га қарши ўйиннинг иккинчи бўлими бошланишидан олдин мухлислар акция ўтказган. Бундан мақсад клуб ва мудофаа концерни ўртасидаги 3 йиллик шартномадан норозилик билдириш бўлган.

Жанбий трибунада томошабинлар қораловчи ёзувлар билан баннерларни осиб қўйган — “Қонли 20 миллион — на қадрият, на виждон”, “Rheinmetall билан аҳмоқона шартнома”. Трибунага чиқиш йўлида ҳархий техника ишлаб чиқарувчи корхонага қизил карточка кўрсатиш талаб қилинган плакатлар осиб қўйилган.

Стадион ташқарисида ҳам картондан танк ясалган бўлиб, унда шундай ёзилган эди: “Дортмунд клубининг мағрур ҳамкори Rheinmetall томонидан ишлаб чиқарилган. Қатар учун ишлаб чиқарилган”. Шунингдек, у ерда корхонанинг бош директори Армин Паппергернинг картондан ясалган суратини ҳам кўриш мумкин.