Франциянинг “Ренн” клуби 18 ёшли ҳужумчиси Матис Ламбурд июнь ойида савдо марказида 51 ёшли аёлни электр скутер билан ургани учун икки йиллик шартли қамоқ жазосига ҳукм қилинди. Аёл воқеадан олти кун ўтиб вафот этган. Бу ҳақда RMC Sport хабар бермоқда.
Манбага кўра, суд Ламбурднинг синов муддати беш йил бўлишига қарор қилган. Таъкидланишича, футболчига фуқаролик даъвоси ҳам қўзғатилиб, марҳум аёлнинг оиласига тўланадиган товон пули миқдорини белгилаб беради.
Ламбурд тунда Ренн шаҳри марказидаги йўлакда ҳаракатланаётиб, соатига 20 км дан ошиқ тезликда аёлга бориб урилган. Электр скутер Матиснинг отасига тегишли бўлган. Футболчи бепарволик қилганини тан олиб, жабрланувчининг оиласидан узр сўраган.
Ҳозирги пайтда Ламбурд “Ренн”нинг асосий жамоаси ўйинларида иштирок этмади. Ўтган мавсумда у барча мусобақаларда 13 та ўйинда қатнашиб, тўртта гол урган. Футболчининг клуб билан амалдаги меҳнат шартномаси 2026 йилнинг ёзига қадар тузилган.
Transfermarkt порталида берилган маълумотларга кўра, футболчининг бозор қиймати 500 минг еврони ташкил қилади.
Изоҳ (0)