Россиянинг Санкт-Петербург шаҳрида ўзбекистонлик эркак жанжал оқибатида Қирғизистон фуқаросини пичоқлади. Бу ҳақда “78.ru” хабар берди.
Ҳодиса 21 август куни Луначарск проспектида юз берган. Қонга беланган Қирғизистон фуқаросини йўлда ўткинчилар кўриб қолган. Улар дарҳол тез ёрдам ва полициячини чақирган. Шифокорлар қирғизистонлик мигрант кўкрак қафаси қисмидан жароҳат олганини аниқлаган. Унга юрак соҳасида қон қуйилиши ташхиси қўйилиб, оғир аҳволда касалхонага ётқизилган.
Полиция зудлик билан гумонланувчининг шахсини аниқлаб, 44 ёшли ўзбекистонлик ишсиз мигрантни қўлга олган. У Қирғизистондан келган 33 ёшли шахс билан жанжаллашиб, жабрланувчини пичоқлаган ва қочишга уринган.
Ҳолат юзасидан жиноят иши қўзғатилган. Ўзбекистон фуқароси ўз ватанида судлангани маълум бўлган. Бундан ташқари, ҳар иккала мигрант ҳам миграция рўйхатида турмайди ва ҳеч қаерда ишламайди.
Изоҳ (0)