Тайёрланган янги қонун лойиҳаси қабул қилинса, ислом молияси билан банклар ҳам ишлаши мумкин бўлади. Бу ҳақда Шавкат Мирзиёев Нукусда тадбиркорлар билан очиқ мулоқотда маълум қилди.
Қайд этилишича, ўтказилган сўровда тадбиркорларнинг 38 фоизи ислом молияси асосида ресурс олиш истагини билдирган.
Ўтган ойда микромолия ташкилотларига исломий шартлар асосида хизмат кўрсатишга рухсат берилганди. Микромолия ташкилотлари мижозларга исломий молия билан боғлиқ қуйидаги хизматларни кўрсатиши мумкин:
- исломий ижара;
- музораба — фойдани тақсимлашга асосланган молиялаштириш;
- муробаҳа — насия савдога асосланган молиялаштириш;
- мушорака — шерикчилик, яъни фойда ва зарарларни тақсимлашга асосланган молиялаштириш;
- салам — олдиндан тўловга асосланган молиялаштириш.
Очиқ мулоқотда таъкидланишича, бу — янги молиявий хизматлар тақдим этилиши, кўп инвесторлар кириб келиши ва 5 миллиард долларлик қўшимча ресурс пайдо бўлишига туртки беради.
Изоҳ (0)