Туркманистоннинг ягона мобил оператори SIM-карталар сотувини тўхтатди. Уларни 16 ёшга тўлган янги фойдаланувчилар ҳам, оператор хизматларидан узоқ вақтдан бери фойдаланаётганлар ҳам олиши мумкин эмас.
Гап ТМCell савдо белгиси остида ишлайдиган “Олтин Аср” мобил оператори ҳақида кетмоқда. Компания телефон рақамлари танқислигига дуч келган, бу эса ҳатто эндигина паспорт олган 16 ёшли фуқароларга ҳам хизмат кўрсатишни рад этишга олиб келмоқда. Компания юзага келган вазиятга расмий изоҳ бермаган.
Ҳозирча мижозлар учун мавжуд ягона нарса бу — аллақачон мавжуд бўлган SIM-карталардаги тариф режасини ўзгартиришдир. Мамлакатда 2022 йилгача ота-оналар ўз номига вояга етмаган болалар учун SIM-карта сотиб олиши мумкин эди. Аммо бу икки йилдан ортиқ вақтдан бери ишламаяпти.
Туркманистонда SIM-карта хариди учун бир қатор процедуралардан ўтиш ва ҳаттоки навбатда рўйхатдан ўтиш керак эди. Бир одам фақат битта “симкарта” сотиб олиши мумкин бўлган.
Изоҳ (0)