Париж Олимпиадасида байдарка ва каноэда эшкак эшиш баҳслари бўлиб ўтмоқда. Ўзбекистонлик Екатерина Шубина ярим финал йўлланмаси учун яна бир бор курашиш имконини сақлаб қолди.
Ўзбекистонлик байдаркачилар Париж—2024 ёзги Олимпия ўйинларидаги иштирокларини бошлади. Ўзбекистонликлар ичида биринчи бўлиб Екатерина Шубина 500 метр масофага кечган саралаш босқичида стартга чиқди.
5-гуруҳда ҳаракат қилган Шубина 1:58.37 дақиқа билан 6-бўлиб марра чизиғини кесиб ўтди. Спортчи етакчидан 10 сония ортда қолди. Энди спортчи чорак финал орқали ярим финал йўлланмаси учун курашни давом эттиради.
Изоҳ (0)