Сурхондарё вилояти, Қумқўрғон туманидаги савдо дўконидан акциз маркасиз тамаки маҳсулотлари ашёвий далил сифатида олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “R.E.” МЧЖ раҳбари Б.Х. харидорга хорижда ишлаб чиқарилган 518 қути акциз маркасиз тамаки маҳсулотини 500 доллар ва 3,4 млн сўмга сотган вақтида ушланиб, МЧЖ савдо дўконидан сотиш учун тайёрлаб қўйилган умумий баҳоси 40,5 млн сўмлик 1 965 қути акциз маркасиз тамаки маҳсулотлари ашёвий далил сифатида олинган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)