Америкалик машҳур хонанда Жастин Тимберлейк маст ҳолда машина ҳайдагани учун суд қарори билан вақтинчалик ҳайдовчилик гувоҳномасидан маҳрум қилинди, деб хабар бермоқда People Talk.
Аввалроқ Жастин Тимберлейк Нью Йоркда маст ҳолатда машина ҳайдагани учун ҳибсга олингани ҳақида маълум бўлган эди. Юлдуз 17 июнь куни машина ҳайдаш чоғида тўхташ белгисига амал қилмагани ҳамда алкотестер текширувидан ўтишдан бош тортгани сабабли кечқурун Саг Ҳарбор округидаги ҳуқуқ-тартибот идорасига келтирилган.
“Жустин Тимберлейк 2 август жума куни мазкур иш бўйича суд мажлисида иштирок этди ва судья поп-юлдузнинг ҳайдовчилик гувоҳномаси тўхтатилишини маълум қилди”, дейилади манбада.
Хонанданинг ҳайдовчилик гувоҳномаси номаълум муддатга ўз кучини йўқотган ва ҳужжат қачон тикланиши ҳақида маълумот берилмаган.
Ўзини турли соҳаларда синаб кўрган америкалик юлдуз Жастин Тимберлейк хонанда, қўшиқлар муаллифи, актёр, продюсер, раққос ва композитор сифатида танилган. “Ижтимоий тармоқ” фильмидаги ижроси Жастинга катта муваффақият олиб келган. Хонанда тўрт марта “Эмми” ва тўққиз марта “Гремми” мукофоти совриндори бўлган.
Изоҳ (0)