Туркиялик тадбиркорлар Тошкент вилоятининг Пискент туманида тилла қазиш ишларида кўмаклашади, шунингдек, ҳудудда иссиқхоналар қуриши режалаштирилган. Бу ҳақда “Дарё”га Пискент тумани ҳокимлиги ахборот хизмати раҳбари Нозим Абдулла хабар берди.
Маълум бўлишича, туман ҳокими Музаффар Арипов бошчилигидаги делегациянинг Туркияга ташрифида мазкур келишувларга эришилган.
Туркиянинг Анқара шаҳрида бўлиб қайтган Музаффар Арипов бошчилигидаги делегация вакиллари қимматбаҳо металларни қазиб олиш фаолияти билан шуғулланувчи «КСЕ Маденcилик Инсаат Сенайл ве Тиc. А.С» корхонаси фаолияти билан яқиндан танишганди. Туман ҳокими ва мазкур корхона вакиллари ўртасида ўзаро ҳамкорлик қилиш ҳамда Пискент туманига инвестисия киритиш юзасидан музокаралар ўтказилганди. Мулоқот давомида тиллани қазиш ишларини амалга ошириб, кон ишлари билан шуғулланадиган “КСЕ Маденcилик Инсаат Сенайл ве Тиc. А.С” корхонаси тумандаги тилла заводига кавлаб олиш борасида хизмат кўрсатишига келишилди, — дейди Нозим Абдулла.
Масъулнинг қўшимча қилишича, Музаффар Ариповнинг Туркияга сафари чоғида Туркия технологияси асосида иссиқхоналар қуриш бўйича ҳам келишувлар қилинган.
Ҳоким бошчилигидаги делегация вакиллари Туркия Республикасидаги “ГУНEY cераcилик” корхонасида ҳам бўлиб, инвесторлар билан мулоқот қилди. Мулоқот давомида Туркиядаги ушбу корхона замонавий иссиқхоналар қуриш учун ихтисослашганлиги, бугунги кунга қадар кўплаб давлатларда иссиқхона мажмуаларини қуриб топширгани очиқланди. Шу сабаб туман ҳокими корхона вакилларини Пискентга таклиф қилиб, ҳудудда мазкур заводни қуриш юзасидан келишув қилишни таклиф қилди, — дейди ҳокимлик ахборот хизмати раҳбари.
Изоҳ (0)