Транспорт вазирлиги халқаро юк ташувларини амалга ошираётган миллий ташувчиларга мурожаат қилди.
Қайд этилишича, Литва транспорт хавфсизлиги маъмурияти (LTSА), мамлакат полицияси, божхона хизмати ҳамда давлат чегараларини ҳимоя қилиш хизмати (SBGS) Латвия чегарасидаги Салочяй ва Смелине Калвария чегара назорат пунктларида учинчи мамлакат ташувчилари устидан кучайтирилган назорат тадбирларини олиб бормоқда.
Расмийлар учинчи мамлакатларда рўйхатдан ўтган транспорт воситаларида Литва орқали ўтиш учун зарур рухсатномалар мавжудлигини текширмоқда. Хусусан, рейд тадбирлари давомида ходимлар қалбакилаштиришга қарши курашнинг турли усулларидан фойдаланган ҳолда рухсатномаларнинг сохталиги ва ҳақиқийлигини, уларнинг тўғри тўлдирилганини назоратга олади.
Қоидабузарлик ҳолати аниқланган транспорт воситасининг ҳаракатланиши тақиқланди, унинг ҳайдовчиси эса маъмурий жавобгарликка тортилади.
Миллий ташувчилардан халқаро юк ташувларини амалга ошириш жараёнида тегишли ҳужжатларнинг тўлиқ ҳолатда бўлиши ва зарур маълумотларнинг тўғри тўлдирилишига аҳамият бериш сўралди.
Изоҳ (0)