Париж Олимпиадасида иштирок этиши керак бўлган ироқлик дзюдочи Сажжод Ғаним Сиҳин допинг сабаб мусобақалардан четлатилди.
-syhzvsyQ.jpg)
28 ёшли спортчининг қонида метандиенон ва болденон тақиқланган моддалари топилган. У 2024 йилги Олимпиада ўйинларида допинг истеъмол қилгани учун дисквалификация қилинган биринчи спортчига айланди.
Халқаро допинг-тест агентлиги (ITA) хабарига кўра, спортчининг қон таҳлили 23 июль куни Франциянинг Париж шаҳрида олинган. Лаборатория текшируви натижалари 25 июль куни маълум бўлган. Сажжод Ғаним Сиҳин ITA қарори устидан Спорт арбитраж судига шикоят қилиш ҳуқуқига эга.
Ироқлик спортчи 81 кг вазн тоифасида иштирок этиши, 30 июль куни 1/16 финал босқичи доирасида ўзбекистонлик Шарофиддин Болтабоев билан жанг қилиши керак эди. Ўзбекистонлик дзюдочи тўғридан тўғри кейинги босқичга йўл олди.
Изоҳ (0)