Катталар болаликда севиб томоша қилган мультфильмларини қайта кўришни ёқтиради. Мазкур мультфильмларни болангиз ўсиб-улғайгунча биргаликда томоша қилишни тавсия этамиз.
“101 далматин” 1961
Ёвуз Круэлла Де Вил буйруғи билан эгаларидан ўғирлаб кетилган далматин кучукчаларини қидириш ва қутқариш ҳақидаги ҳикоя. Очкўз зодагон аёл далматинлар терисидан ўзига мўйнали кийим тикишга қарор қилади. Бироқ ҳайвонлар бирлашиб, унга сабоқ бериб қўйишади.
“Бэмби”, 1942
Ёз кунларининг бирида ўрмон шаҳзодаси Бэмби туғилади. Бэмби юриш ва гапиришни ўргангач, дўстлар орттиради. Онасининг меҳрибон нигоҳи остида кийик боласининг ҳаёти мароқли ва беташвиш эди. Аммо бир куни ўрмонга одам бостириб киради, ўзи билан оғриқ, қўрқув ва азоб-уқубатларни олиб келади.
“Мулан”, 1998
Хитойга ҳунларнинг жанговар қабиласи ҳужум қилади. Эркаклар кийимидаги қиз Мулан отасининг ўрнига жангга киради ва кичкина аждаҳо Мушу билан бирга қорли тоғлар этагига хавфли саёҳатга чиқади.
“Менинг қўшним Тоторо”, 1988
Опа-сингиллар оталари билан қишлоқдаги эски уйга кўчиб ўтишади. Бир куни қизлар ўрмоннинг қудратли ва меҳрибон хўжайини Тоторо бошчилигидаги табиат руҳлари уларга қўшни бўлиб яшашини билиб қолишади. Аста-секин Тоторо қизларнинг дўстига айланади, уларга ёрдам беради.
“Оппоғой ва етти гном”, 1937
Оппоғой ёвуз ўгай онаси малика билан қасрда яшайди. Бир куни қиролича ҳар доим қарайдиган сеҳрли ойна унга “Оппоғой дунёдаги энг гўзал қиз” деб жавоб беради. Бундан ғазабланган қиролича уни ўлдиришга қарор қилади, лекин қизнинг омади келиб, ўрмонда яшайдиган етти гном билан танишади.
“Ўйинчоқлар тарихи”, 1995
Кун давомида ўйинчоқлар энг муҳим вазифани бажаради: эгаларини хурсанд қилиш. Лекин кечаси улар ўз ҳаётини яшайди. Ўйинчоқ ковбой узоқ вақтдан бери болакайнинг севимлиси бўлган. Аммо ўйинчоқ космонавт пайдо бўлгандан кейин рақиблар ўртасида кураш бошланади.
-w_vk7rp6-eAEkxyfs.jpg)
“Соҳибжамол ва махлуқ”, 1991
Қоронғи ўрмондаги сеҳрланган қалъада даҳшатли махлуқ яшайди. Уни севиб қолган гўзал қизгина махлуқ қалбидаги музни эритиб, афсунни йўққа чиқариб, уни инсон қиёфасига қайтара олади.
“Пўлат махлуқ”, 1999
Ҳогарт Хьюз исмли бола узоқ галактикадан Ерга учиб келган улкан робот билан дўст бўлади. Қўрқинчли кўринишига қарамай, бегона меҳмон меҳрибон мавжудот бўлиб чиқади. Ҳарбийлар уни йўқ қилишга қарор қилади. Уни фақатгина Ҳогарт қутқара олади.
“Миср шаҳзодаси”, 1998
Бир куни Нил дарёси қирғоғига чақалоқ солинган сават ташлаб кетилади, уни Миср фиръавнининг ўзи асраб олишга қарор қилади. Мусо исмли бола ва унинг укаси Рамзес бирга катта бўлишади. Кун келадики, ака-укалардан бири Ер юзидаги энг улкан империянинг ҳукмдори, иккинчиси пайғамбар бўлади.
“Жеймс ва улкан шафтоли”, 1996
Бир куни Жеймс ўргимчакнинг ҳаётини сақлаб қолади. Миннатдорлик учун у болага сеҳрли ичимлик беради, бунинг натижасида кичик шафтоли тўсатдан улкан мевага айланади. Унинг ичида бутун дунё яширинган бўлади. У ерда эса Жеймсни ҳақиқий дўстлари кутмоқда, улар болакайга энг эзгу орзуларини рўёбга чиқаришда ёрдам беради.
“Қирол шер”, 1994
Хоин амакиси Скар томонидан тахтдан маҳрум қилинган шаҳзода Симба сургунга қочиб кетади. Аммо йиллар ўтиб, фирибгардан ўч олиш, уни тахтдан ағдариб ташлаш мақсадида салтанатига қайтади ва қудратли, доно, жасур қиролга айланади.
Изоҳ (0)