Канадалик рэпер, бастакор ва мусиқий продюсер Дрейкнинг Торонтодаги кўчмас мулки кучли сел ва бўронлар туфайли сув остида қолди. Бу ҳақда хонанда ўзининг Instagram’даги саҳифасида маълум қилди, деб ёзади “Корреспондент.net”
Дрейк ижтимоий тармоққа ёмон об-ҳаво натижасида жабр кўрган хонадон суратини жойлаштирди. 4,5 минг метр квадрат майдонга эга ҳашаматли уйнинг поли сув билан тўлган эди. Расмда рэпернинг ёрдамчиси кучли сув оқими келаётган шиша эшикни базўр ушлаб туришга уринаётгани акс этган.
Рэпер унга ёрдам беришга уриниб, хонадаги сувни ташқарига чиқариб ташлашга уринган.
“Бунинг ўрнига бир қадаҳ Эспрессо Мартини бўлса яхши эди”, дея изоҳ қолдирди Дрейк.
Тоronto Hydro электроэнергия компанияси CBC телеканалига берган баёнотида 16 июль, сешанба куни ноқулай об-ҳаво шароити туфайли шаҳарнинг кўплаб кўчаларини сув босиши ҳақида огоҳлантирган эди. Ўша куни ертўлаларни сув босгани ҳақида 700 дан ортиқ мурожаат келиб тушган. 167 мингдан ортиқ истеъмолчи электр таъминотисиз қолган.
Изоҳ (0)