Тўлиқ метражли фильм яратишда бир неча кетма-кет иш босқичлари талаб қилинади. Биринчидан, муаллиф келажакдаги фильм ғояси устида узоқ вақт ишлайди, кейин сценарий муаллифлари жамоаси биргаликда фильм учун тахминий сюжет яратади. Сценарий доимий равишда янгиланади. Ва ниҳоят якуний тайёргарлик ва маъқуллашдан сўнг актёрлар кастинги ва режиссёр танлаш бошланади.
Аммо баъзида вазият бутунлай бошқача бўлади. Баъзида режиссёрлар ўзининг асл лойиҳаларига шунчалик сингиб кетишадики, сценарий ҳақида унутишади. Кўпинча режиссёрлар суратга олиш майдончасидаёқ сюжетдаги воқеаларни ўзгартира бошлайди.
“Бегона 3” (1992)
Ридли Скотт ва Жеймс Кэмерондан кейин фильм давомини суратга олиш қийин эди. Продюсерлар узоқ вақт учинчи қисмга режиссёр топа олишмайди. Ва ниҳоят Дэвид Финчерни ишга олишади ва унга пулни тежашни тайинлайдилар. Аммо ҳеч ким сценарий йўқлиги билан қизиқмайди ҳам.
“Қора либосли одамлар 3” (2012)
Фильм устида иш бошланган пайтда сценарий йўқ эди. Сюжет йўл-йўлакай ишлаб чиқилган. Продюсерлар, ёзувчилар, режиссёрлар ва актёрлар ҳар бир саҳна учун доим баҳслашишган.
“Юра даври парки 3” (2001)
Фильм сюжети иш давомида ёзилади, актёрлар суратга олиш кунида сценарий матнини олишади, тайёргарлик учун вақт ва персонажларнинг ривожланиши ҳақида тасаввур ҳам йўқ эди. Саҳналар кетма-кетликсиз суратга олинган.
“Кариб денгизи қароқчилари: дунё чегарасида” (2007)
Режиссёр Гор Вербински ва унинг жамоаси суратга олиш вақтида франшизанинг учинчи қисми устида ишлайди, шунда ижодий гуруҳ фильмнинг давомида қандай манзара бўлиши кераклигини тушунишлари мумкин эди. Натижада фильмнинг 3-қисми ҳақида заррача тасаввурга эга бўлмасдан, суратга олиш ишлари бошланади.
“Гўзал аёл” (1990)
Дастлабки сценарий зерикарли ва тушкун эди, шунинг учун суратга олиш ишлари номаълум муддатга тўхтатилади. Гарри Маршалл фильм сёмкасини ўз зиммасига олганида, сюжетнинг якуний ғояси ҳам йўқ эди. Гоҳида у актёрларга матн бериб, гоҳида эса импровизация қилишга рухсат этган ҳолда фильмни якунлайди.
“Келажак чегараси” (2014)
Режиссёр Даг Лайман фақат умумий тушунчалар ва персонажларни қолдириб, сценарийнинг катта қисмини ташлаб юборади. Фильм суратга олиш жараёнида режиссёр ҳамма нарсани ўзи ўйлаб топади.
“Темир одам” (2008)
Фильм сценарийси доимо ўзгариб турган. Натижада дастлабки сценарий режиссёр Жон Фавро суратга олиш жойида яратган сюжет матнидан анча фарқланиб қолади. Шундай қилиб, актёрлар, продюсерлар ва режиссёрлар фильмни тезда бир жойга жамлайди, камералар ишга тушишидан олдин саҳналар ва диалоглар ўша ернинг ўзида яратилади.
Изоҳ (0)