Солиқ қўмитаси томонидан Ўзбекистонда ишлаб чиқариш корхоналарининг солиқ қарздорлиги ҳақида маълумот берилди.
Хабарга кўра, 2024 йил 1 июль ҳолатига солиқ қарзи 100 миллион сўмдан юқори ишлаб чиқариш корхоналари 793 та, уларнинг жами қарздорлиги 1 242,8 миллиард сўм. Шундан 385,8 миллиард сўми, яъни 31 фоизи солиқ қарзи энг кўп бўлган 10 та корхона ҳисобига тўғри келади.
Ҳудудлар кесимида ишлаб чиқариш корхоналарининг солиқ қарздорлиги кўрсаткичлари топ-3 талиги:
- Йирик солиқ тўловчилар бўйича ҲСИ — 771,7 млрд сўм;
- Тошкент шаҳри — 129,4 млрд сўм;
- Тошкент вилояти — 74,8 млрд сўм.
2024 йил 1 апрель ҳолатига ишлаб чиқариш соҳасида солиқ қарзи (100 миллион сўмдан юқори) мавжуд корхоналар сони 742 та бўлиб, уларнинг жами қарздорлиги — 932,4 миллиард сўм. Шундан 355,1 миллиард сўми, яъни 38,1 фоизи солиқ қарзи энг кўп бўлган 10 та корхона ҳисобига тўғри келган.
Изоҳ (0)